Home Somali #Xildhibaan Mahad Salaad “Waxaan ka digayaa in Wasaarada Maaliyadda Lacag baad ah...

#Xildhibaan Mahad Salaad “Waxaan ka digayaa in Wasaarada Maaliyadda Lacag baad ah ka qaado Ganacsatada”

SHARE

Xildhibaan Mahad Salaad oo ka tirsan Golaha Shacabka ayaa wax laga xumaado ku tilmaamay hadal ka soo yeeray Wasiirka Maaliyadda Xukuumadda Soomaaliya Dr. C/raxmaan Ducaale Beyle.

Wasiir Beyle ayaa la sheegay inuu sheegay in haddii aysan ganacsatada bixin canshuurta badeecadahooda kala soo degayaan Dekadda Kismaayo.

Qoraal Kooban o Xildhibaanada Mahad Salaad soo dhigay Facebooka ayuu ku sheegay in hadalkaasi uusan ahayn mid mas’uul Dowladeed ku hadlo.

Halkaan Hoose ka Akhriso Qoraalka Mahad Salaad:-

Waa wax aad looga xumaado hadalka kasoo yeeray Wasiirka Maaliyada ee ah “in ganacsatada reer Mogadishu hadii aysan bixinayn lacagta lagu soo rogay ay badeecadooda kala soo dagaan Dekada Kismaayo”. Hadalkaasi ma’ahan hadal qof mas’uul dowladeed ah uu ku hadlo, waana in Wasiirku raali gelin ka bixiyaa.

Sidoo kale waxaan ka digeynaa in Wasaarada Maaliyada qaado lacago baad ah oo aan waafaqsanayn nidaamka maaliyadeed ee dalka u yaala.

Annagu ma diidanin in dowladu canshuur qaado lkn canshuurta waa in ay leedahay sharciyad lagu qaado, dalka oo dhana laga qaado oo reer Mogadishu kaliya aan lagu gaar yeelin.

Sidoo kale waxaan ka codsanaynaa Gudoonka Golaha Shacabka in kalfadhiga Golaha Shacabka xiligiisii lagu furo oo aan dib loo dhigin si loo dardar geliyo howlaha u yaala Golaha.

Mahadsanidiin.

Hon. Mahad Salad