Askari toogasho ku dilay sideed kale oo saaxiibadii ahaa

Dhacdooyinkan noocaan ah ayaa naadir ku ah dalkan, inkasta oo horey ay u soo mareen sooyaal xun oo falalkan ku saabsan.

125,449

MOSCOW, Russia – Mas’uuliyiinta waddanka Ruushka ayaa waxay daboolka ka qaadeen in askari boolis ah uu toogasho ku dilay sideed kale oo saaxiibadii ah uuna dhaawacay ugu yaraan laba kale.

- Advertisement -

Falkan ayaa waxa uu ka dhacay saldhig milatari oo ku yaala Bariga Fog ee dalweynaha reer Yurub ee qaboobaha caanka ku ah.

Saraakiisha ayaa rumeysan in askariga khaarijinta sameeyay kaasoo la xiray ay soo food-saartay dhibaato dhanka maskaxda ah.

Toogashada ayaa maqribnimadii xiliga Russia waxaa laga soo wariyay degaanka Gorny oo aan sidaas uga fogeen magaaladda Chita.

Askariga oo aan magaciisa lasoo bandhigin ayaa waqtigaas ku qornaa ilaalida xeradda. Wuxuu ahaa askari diiwaan-gishan oo gunno leh.

Guddi gaar ah oo uu hogaaminayo Wasiir ku xigeenka Difaaca, Andrey Kartapolov, ayaa u safraya gobolka si baaritaano loogu sameeyo dhacdadan oo hadalheyn iyo su’aallo dhowr ah ka dhex-dhalisay bulshadda.

Toogashooyinka iyo rabshadaha ayaa gilgilay milatariga Ruushka sanadihii 1990-kii iyo horaantii 200-kii ka gedaal markii ay soo wajahdey dhibaato mushahar la’aan ah iyo qalbi-jab kii ugu weynaa.

Dhacdooyinka noocaan ah, hase ahaatee, waxay sanadihii u dambeeyay ahaayeen kuwa aad ugu yaraa, kadib markii horumar baaxad leh uu Ruushku ka sameeyay Ciidanka iyo qalabkooda.

XAYEYSIIN

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More