Gaari ay wateen Ciidamo katirsan Booliiska oo lagu qarxiyay…

Qaraxaan ayaa goordhaw ka dhacay Isgoyska Banaadir ee Magaalada Muqdisho, waxaana waxyeelo gaartay Askar la katirsan Booliiska Soomaaliya oo la socotay Gaariga iyo dad shacabka ah oo ka dhawaa Goobta.

- Advertisement -

Sida goobjoogayaal ay Axadle u sheegeen Qaraxa ayaa ka dhacay Isgoyska Banaadir, ciidamo kale oo katirsan Booliiska Xukumadda Soomaaliya ayaa goobta tagay si ay u qaadaan dadka waxyeeladu gaartay, isla markaana ay u sameeyaan Baaris.

Lama oga in Qaraxa uu yahay Nuuca dhajiska ah oo horay loogu xiray Gaari iyo in ay tahay Miino la dhigay goobta uu mararay gaariga.

“Waxa aan ku dhaween Isgoyska Banaadir, Mar qura ayaan maqalnay Qarax, waxaa nasoo gashay Uuro iyo Ciid, waxa aan aragnay Askari dhulka jiifo oo aan kala saari Karin in uu dhintay iyo in uu dhaawac ahaa, Gaariga oo ahaa nuuca Toyota Hilux (Qooqan) waxyeelo ayaa gaartay” Sidaasi waxaa Axadle u sheegay qof la kulmay dhacdadaan.

Ma jiro war kasoo baxay Laamaha ammaanka Xukumadda oo ay ku faah-faahinayaan Qaraxa iyo khasaaraha la sheegay in uu sababay inta uu gaarsiisan yahay.

La soco wixii kasoo kordha.

- Advertisement -

This website uses cookies to improve your experience. We'll assume you're ok with this, but you can opt-out if you wish. Accept Read More