Wayne Rooney ayaa u wacay boliiska ka dib markii sawiro isagoo la jiifa dumar qaawan xilli ay habeenkii oo dhan ay khamri cabayeen lagu faafiyay baraha bulshada.
Tababaraha kooxda Derby County oo 35 sanno jir ah ayaa lagu sawiray isagoo dhar xiran oo ku fadhiya kursi islamarkaana ay ku gaaf wareegsan yihiin dumar qaawan, xilli ay ku caweynayeen huteel ku yaala Manchester.
Wayne Rooney Iyo Xaaskiisa Coleen
Waxaa la fahamsan yahay in Rooney uu aaminsan yahay inuusan sameynin wax qalad ah, laakiin waxa uu cabasho u gudbiyay boliiska isagoo ku doodaya in sawirada la qaaday isagoo hurda islamarkaana aan ogolaansho la weydiisanin.
Mid ka mid ah sawirada oo cinwaan looga dhigay” mooney Rooney” ayaa waxaa ka soo muuqatay gabar qaawan oo xageeda danbe kaamirada soo xijisay iyadoo Rooney uu hurdo.
Sawir kale oo loogu magacdaray “Sleepy Wayne” ayaa waxaa ka soo muuqatay gabar kale oo iyadana qaawan oo sawir kala galeysa kabtankii hore ee England isagoo hurda.
Gabar kale oo iyadana qaawan ayaa sawir looga qaaday iyadoo jiifta sariir dhinac taalay xiddigii hore ee Manchester United oo hurdo ku jiray isagoo dharkiisa xiran.
Waxaa la rumeysan yahay in Rooney ay huteelka la joogeen labo nin kale oo aan la magacaabin.
Rooney ayaa ah xaasle leh caruur iyadoo xaaskiisa Coleen Rooney ay wax badan ugu soo sabartay gogol dhaaf uu soo sameeyay intii uu garoomada ku jiray.
